Second Hand

I advocate recycling and upcycling. Matyaga kong pinaghihiwalay hiwalay ang mga basura . Noong may mga kasambahay pa kami, ang unang una kong itinuturo ay ang waste segregation. Iba ang lalagyan ng mga papel sa plastic, gayundin ang mga nabubulok. Bawal din ang mag-aksaya ng tubig at kuryente.

Dahil pitong taon na kaming walang kasambahay, pagod ako sa tuwing maglilinis. Yesterday was my general cleaning. Tulad ng nakasanayan, nag segregate ako ng mga kalat. Inabot na ako ng buong araw sa kalilinis ng bigla kong naisip; ako'y nagpapakahirap tulungan ang bayang sinilangan upang makabawas ng kalat sa kapaligiran samantalang ang basura ng Canada ay basta na lang itatambak sa ating bayan!

Ano ba naman, ang Pilipinas ba ay sadyang tambakan ng second hand? Second hand vehicles, second hand clothes, pati ba naman basurang second hand?

Sana naman gawan ng paraan na pangalagaan ang ating bayan. Ibalik ang basura sa bansang pinagmulan!

Hay...